Ang Ingay na ng Mundo

Ang ingay...

Ang ingay na ng mundo

Simula sa aking pagkasilang, doon at dito ay magulo

Kasabay ng pagmulat at pagkakaroon ng muwang ay mas lalong umaalulong

Kasabay ng aking pagtanda'y mas lalong umiingay

Pagkagising pa lamang ay dinig ko na ang TV sa sala o selpon ni mama

Mga pag-iyak, pagsigaw, paghagulhol, pag-awat o putok ng baril

BANG!

Ang ingay...

Ang ingay na ng mundo

Kailan matatapos ito?

Dahil... Nakakapagod na ang gulo.

Hìndi ko man makita nang harapan

Ngunit sa tunog pa lang ay mabigat na ang pakiramdam

Panginoon, sa tamang panahon, kami ay Iyong iaahon

Ang gusto ko lamang madinig ay ang Iyong boses

May kapayapaan, kasiyahan, kagalakan at... Katapatan

Na hindi maibigay ng mundo... O ng maka-mundo

Sa bulong Mo lamang ako umaasa

Dahil sa kaingayan na binibigay ng mundong ito

Ang boses Mo ang nagpapakalma sa aking isip at puso.

(Inspired by a true event of shot unarmed mother and son in Tarlac)

#StopTheKillingsPH